Ürək üçün maqnezium. Damarlar üçün Omega-3. Vitamin D. Koenzim Q10. Qırmızı düyü.
Qida əlavələri bazarı çox böyükdür və bir çox insan sağlamlığı üçün aktiv addım atmaq istəyir.
Amma əsas sual budur: bunlardan hansı həqiqətən ürəyi qoruyur?
Müasir Avropa tövsiyələri reklam vədlərinə nisbətən daha ehtiyatlıdır. 2025-ci il ESC/EAS tövsiyələri təhlükəsizliyi və LDL-i azaltma təsiri sübut olunmamış vitamin və qida əlavələrinin aterosklerotik ürək-damar riskini azaltmaq məqsədilə istifadəsini tövsiyə etmir.
Əlbəttə, sübut olunmuş çatışmazlıq və ya dəqiq tibbi göstəriş varsa əlavə lazım ola bilər. Amma bu, “ehtiyat üçün” bir neçə preparat qəbul etməkdən fərqlidir.
Növbəti “ürək əlavəsini” almamışdan əvvəl özünüzə üç sual verin
- Təzyiqim necədir?
- LDL xolesterinim neçədir?
- Fərdi ürək-damar riskim nə qədərdir?
Sonra
- Kifayət qədər hərəkət edirəm?
- Siqaret çəkirəm?
- Qidalanmam necədir?
- Təyin olunmuş dərmanlarım düzgün seçilib?
Sübutlu profilaktikanın əsasını məhz bunlar təşkil edir.
Yaxşı profilaktika mümkün qədər çox tablet qəbul etmək deyil.
Əsaslandırılmış və həqiqətən lazım olan tədbirləri tətbiq etməkdir.
Bu yazı ümumi məlumat xarakteri daşıyır və fərdi həkim məsləhətini əvəz etmir.
